Gid pou Nouri Tibebe

Akèy
Fason pou Bay Tibebe ki Gen ant 6 ak 7 Mwa Manje

Fason pou Bay Tibebe ki Gen ant 6 ak 7 Mwa Manje

Lè w kòmanse bay tibebe w la gwo manje, toujou ba li l nan yon bòl ki gen yon kiyè yon fason pou li ka aprann manje kòmsadwa. Pa janm mete sereyal oswa lòt gwo manje nan bibwon an. Gwo manje nan bibwon p ap ede pitit ou a dòmi nan nuit epi li ka lakoz li trangle oswa li ka ba li lòt pwoblèm sante.

Kòmanse ba li yon gode.

Tibebe ki Tete

Kontinye bay tibebe w la tete lè li grangou.
Tibebe yo ka gen yon pouse kwasans lè yo gen anviwon 6 mwa epi yo ka tete pi souvan.
Pa bliye, objektif premye manje ou bay tibebe w la se konplete lèt ou ba li nan tete a, se pa pou ranplase l.
Lè w bay tibebe w la tete anvan w ba li gwo manje, sa ap pèmèt ou pwoteje rezèv lèt ou.

Tibebe ki Pran Lèt nan Bwat

24 a 32 ons

pa jou

Tibebe w la bezwen anviwon 24 a 32 ons pa jou nan lèt nan bwat ki anrichi ak fè. Pou w kòmanse retire tibebe w la nan bibwon, kòmanse ba li lèt la nan yon gode.

SEREYAL KI GRENN

Itilize lèt manman oswa lèt nan bwat pou w prepare 2 a 4 gwo kiyè sereyal ki anrichi ak fè pou tibebe tankou avwàn, lòj, ble ak diri.

Ba li l de de (2) fwa pa jou. 2 a 4 gwo kiyè ti moso pen sèk ak bonbon sèl pou tibebe.

Ou ka mete manje pou tibebe w la manje ak dwèt li lè li gen anviwon 8 mwa. Lè li pare, ba li l de (2) fwa pa jou.

LEGIM

4 a 8 gwo kiyè pa jou. Legim ki kuit, pire oswa kraze tankou pwa frans, patat, joumou oswa kawòt.

FWI

2 a 4 gwo kiyè pa jou. Fwi ki kuit, pire oswa kraze tankou sòs pòm, pèch oswa fig mi.

PWOTEYIN

2 a 4 gwo kiyè pa jou. Vyann wouj, vyann bèt volay, ze, pwason oswa legiminez san melanj ki pase nan paswa, ki kraze oswa ki pire. Ou ka ajoute yogout lis ki fèt ak lèt antye Manba ki fèt ak pistach oswa ak nwa ki delye epi ki lis.

Klike la a pou w aprann fason pou delye manba!